У шасці краінах Афрыкі пачалася вакцынацыя ад малярыі. У кастрычніку мінулага года Сусветная Арганізацыя Аховы здароўя ўхваліла першы ў свеце прэпарат, прызначаны для абароны дзяцей ад інфікавання гэтай хваробай. Паводле ацэнак спецыялістаў, вакцына можа выратаваць жыцці ад 40-80 тысяч малых у год.
Брытанская вакцына была пратэставаная ў Афрыцы на працягу двух гадоў. Прэпарат мае толькі 30% эфектыўнасці, але ў цяперашні час гэта адзіны спосаб абараніць афрыканскіх дзяцей ад малярыі. Менавіта на гэтым кантыненце хвароба найбольш распаўсюджаная. Штогод ад яе паміраюць 260 тысяч дзяцей.
Эва Пекарска-Дымус з Польскай медычнай місіі (арганізацыі, якая дапамагае хворым у Афрыцы) кажа, што вакцынацыя можа прынесці змены да лепшага:
-Для нас, для Польскай медычнай місіі, гэта вельмі важна, бо ў нашым прыярытэце ахова матак і дзяцей да пяцігадовага ўзросту. Вакцына можа дапамагчы малому пераадолець гэты складаны час і правільна развівацца далей.
Вакцыну вырабіў канцэрн GlaxoSmithKline, а праца над прэпаратам заняла 30 гадоў. Малярыя – гэта захворванне, якое перадаецца маскітамі. 94% выпадказ малярыі ў свеце цяперака прыпадаюць менавіта на Афрыку. Паводле ацэнак экспертаў, малярыя там больш небяспечная, чым карнавірус.
iar/эж