Беларуская дэмакратычная лідарка Святлана Ціханоўская падчас рабочага візіту ў Варшаву 23–25 студзеня сустрэнецца з прадстаўнікамі польскага ўраду, паведамляе «Свабода» са спасылкай на BPN і прэс-службу беларускай палітык.
Запланаваныя перамовы з міністрамі – унутраных, замежных спраў, фінансаў, адукацыі, а таксама са спікерам парламента.
Ціханоўская таксама «правядзе рабочую сустрэчу з кабінетам», на якой плануецца абмеркаваць сітуацыю з палітвязнямі, магчымым удзелам войскаў Беларусі ў вайне Расіі супраць Украіны, магчымасці ціску на рэжым Аляксандра Лукашэнкі.
23 студзеня яна таксама плануе прыняць удзел у мерапрыемствах, прысвечаных 160-годдзю пачатку паўстання Кастуся Каліноўскага.
аз