Прэзідэнты Польшчы і Літвы супольна адзначаць 160-ю гадавіну пачатку паўстання 1863 года

«Мерапрыемства будзе сімвалам салідарнасці перад абліччам расійскай агрэсіі ва Украіне», – кажа Войцех Калярскі з Канцылярыі прэзідэнта Польшчы.

Прэзідэнты Польшчы і Літвы супольна адзначаць 160-ю гадавіну пачатку паўстання 1863 года

PAP/Vitaliy Hrabar

Прэзідэнт Польшчы Анджэй Дуда разам з прэзідэнтам Літвы Гітанасам Наўседам адзначаць 160-ю гадавіну пачатку паўстання 1863 года. «Мерапрыемства будзе сімвалам салідарнасці перад абліччам расійскай агрэсіі ва Украіне», – падкрэсліў міністр з Канцылярыі прэзідэнта Польшчы Войцех Калярскі(Wojciech Kolarski):

- Гэта будзе з аднаго боку сімвалічная падзея, якая навязвае да гісторыі, а з другога – доказ салідарнасці нашых народаў, якія выступаюць супраць расійскага імперыялізму і падтрымліваюць украінцаў, якія змагаюцца з расійскай агрэсіяй.

Паўстанне 1863 года было важным зрывам, як для палякаў, так і для ўкраінцаў, беларусаў і літоўцаў. Было таксама самым працяглым паўстаннем за незалежнасць у гісторыі Польшчы. Яно ўспыхнула 22 студзеня 1863 года ў Царстве Польскім і 1 лютага 1863 года ў Літве. Да восені 1864 года адбылося больш за 1 200 баёў, а ўсяго на польскім баку ваявала каля 200 тысяч чалавек.

IAR/аз