Гэта работы Івана Георгія Пінзеля, выратаваныя з разбуранага касцёла ў вёсцы Гадовіця пад Львовам. У снежні барочныя скульптуры трапілі на Вавель са збору Львоўскай нацыянальнай галерэі мастацтваў.
«Гэта шэдэўры мастацтва XVIII стагоддзя», – падкрэслівае дырэктар Вавельскага каралеўскага замку Анджэй Бэтлей:
- Тэатар, містыка, спектакль, экстаз – гэтыя словы належным чынам акрэсліваюць львоўскую скульптуру ў стылі ракако, якая захапляе майстэрствам дэталяў адзення і неверагоднай адпрацоўкай фізіяноміі чалавека.
Творы Пінзеля – адны з самых каштоўных экспанатаў львоўскай калекцыі. Яны былі прадстаўлены ў парыжскім Луўры, Вене і Вільні. На Вавелі выстава будзе даступнай да кастрычніка.
Іван Георгій Пінзель застаецца таямнічай асобай для гісторыкаў мастацтва. Вядома, што ён прыехаў з Германіі або Чэхіі. У паўднёва-ўсходняй частцы Польшчы скульптар пакінуў пасля сябе творы з дрэва і каменю. Многія з іх былі знішчаны ў савецкі час. Апошняя згадка пра мастака датуецца 1761 годам.
IAR/яс