Пасля сустрэчы ў Варшаве з прэм’ер-міністрам Нарвегіі Ёнасам Гарам Сцёрам кіраўнік польскага ўраду Дональд Туск аднёсся да заявы ўладаў самаабвешчанага Прыднястроўя, якія звярнуліся па расійскую дапамогу ў пераадольванні «эканамічнай блакады» з боку Малдовы, аднак не папрасіўшы аб далучэнні да РФ.
«Праблема Малдовы і Прыднястроўя не новая. Гэта стварае рызыку расійскай правакацыі, рызыку, якая захоўваецца ўвесь час. Гэта небяспечная сітуацыя не толькі для Украіны, якая вядзе абарончую вайну з Расіяй. Сёння ніхто не можа прадказаць доўгатэрміновыя перспектывы гэтай вайны», – заявіў прэмʼер Польшчы.
У сераду, 28 лютага, так званы зʼезд народных дэпутатаў Прыднястроўя ўхваліў дакларацыю, у якой абвінаваціў Малдову ў развязванні «эканамічнай вайны супраць рэгіёну, наўмысна ствараючы перадумовы для шматмільённага дэфіцыту бюджэту», заклікаўшы Расію абараніць сепаратыстычнае ўтварэнне.
iar/pap/ez