Падчас тэлефоннай размовы рэжысёрка сказала, што ўзнагароды – не самае галоўнае, але яны прыносяць задавальненне.
«Vox populi асяроддзя – гэта нешта вельмі каштоўнае, і прызнанне заўсёды прыносіць задавальненне, радасць і пачуццё, што цябе любяць. […] Як і на ўсе ўзнагароды, мы павінны глядзець на іх з радасцю і ўдзячнасцю, але таксама з пэўнай дыстанцыяй, не ўзнагароды з'яўляюцца самымі важнымі ў нашым жыцці», – сказала Агнешка Холанд.
Прэзідэнт Польскай кінаакадэміі Дарыюш Яблоньскі сказаў, што ўзнагарода для Агнешкі Холанд зʼяўляецца прызнаннем Акадэміяй яе дасягненняў у кіно. «Гэта ўзнагарода за ўсё, што прадстаўляе Агнешка Холанд, за фільмы, якія яна зняла. [...] Яе смелая грамадская пазіцыя, на мой погляд, – прыклад для маладых і старэйшых кінематаграфістаў».
Агнешка Холанд была тройчы намінаваная на «Оскар» за фільмы: «Горкае жніво», «Еўропа, Еўропа» і «У цемры».
Рэжысёр стаіць на чале Еўрапейскай кінаакадэміі. Яна таксама зʼяўляецца сябрам Польскай кінаакадэміі і ганаровым прэзідэнтам Гільдыі польскіх рэжысёраў. У 2023 годзе Асацыяцыя польскіх кінематаграфістаў уганаравала яе прэміяй за выдатныя мастацкія дасягненні. За творчы шлях у Польшчы і за мяжой у 2002 годзе атрымала спецыяльную ўзнагароду «Арлоў». Цяпер яна атрымае сваю другую статуэтку «Арлоў» – «за жыццёвыя дасягненні».
У мінулым Агнешка Холанд намінавалася на «Арлоў» за фільмы «Джулія вяртаецца дадому», «У цемры», «След звера» (Pokot), «Грамадзянін Джонс» і «Шарлатан».
У гэтым годзе фільм «Зялёная мяжа» Агнешкі Холанд мае шанец на атрыманне ўзнагароды «Арлы» адразу ў шасці катэгорыях. Усе пераможцы будуць абвешчаныя ў панядзелак. Спіс намінантаў можна знайсці на сайце www.filmweb.pl
IAR/вх