Кампанія арганізаваная Прадстаўніцтвам па нацыянальным адраджэнні Кабінета пры падтрымцы гарадскіх улад, Офісу Святланы Ціханоўскай і Народнага антыкрызіснага ўпраўлення.
На гарадскіх рэкламных банерах, экранах каля метро, аўтобусах, на прыпынках наземнага грамадскага транспарту размешчаныя ілюстрацыі, на якіх паказаныя сітуацыі з жыцця ў Беларусі і Польшчы, звязаныя з тэмай свабоды слова і правоў чалавека.
Інфакампанія ў Варшаве да Дня волі.
Кантрастныя вобразы заклікаюць да разважання пра тое, што для адных з'яўляецца штодзённым і звычайным, а для іншых – небяспечным: бела-чырвоныя элементы адзення, фінансавая падтрымка грамадскіх ініцыятыў, атрыманне інфармацыі з незалежных медыя і іншае.
Аліна Коўшык, прадстаўніца Офісу С. Ціханоўскай па нацыянальным адраджэнні: «Важна карыстацца кожнай магчымасцю, каб расказваць пра тое, што адбываецца ў нашай краіне. Мы вельмі рады, што жыхары Варшавы пабачаць гэтую выставу. Спадзяемся, яны падтрымаюць нашыя мерапрыемства да Дня Волі. Беларусам і беларускам я прапаную ініцыяваць падобныя кампаніі ў іншых польскіх гарадах праз дамоўленасці з гарадскімі ўладамі. Мы падзелімся графічнымі матэрыяламі».
Прэс-служба Пераходнага Кабінета
нг