У польскай сталіцы пачаліся польска-ўкраінскія міжурадавыя кансультацыі, на якіх абмяркоўваюцца двухбаковыя дачыненні, праблемы і выклікі, абаронныя, сельскагаспадарчыя і гандлёвыя пытанні. У перамовах прымаюць удзел прэм'ер-міністры Дональд Туск і Дзяніс Шмыгаль.
У другой палове дня запланаваная сустрэчы кіраўніка ўкраінскага ўраду са спікерамі Сейму і Сенату.
Паводле намесніка міністра замежных спраў Польшчы Анджэя Шэйны, сельская гаспадарка і эканамічныя справы – гэта галоўныя тэмы польска-украінскіх перамоваў.
Госць Польскага радыё паведаміў, што размовы будуць датычыць таксама супольнай вайсковай вытворчасці, акрамя гэтага, таксама культурных і энергетычных пытанняў.
«Хачу падкрэсліць, што не з сёння мы пачынаем супольную работу. Гэтая работа вядзецца на ўзроўні міністэрстваў на працягу апошніх тыдняў», – заявіў Анджэй Шэйна.
Намеснік міністра замежных спраў дадаў, што Польшча працягвае падтрымліваць Украіну ў вайне з Расіяй. Вакол гэтага міністр замежных спраў Радаслаў Сікорскі будуе далейшыя палітычныя кааліцыі.
яс/IAR