У звязку са зніжэннем узроўню пагрозы ракетных удараў расійскай авіяцыі па Украіне спыненая аперацыя польскай і саюзнай авіяцыі ў паветранай прасторы Польшчы, – паведаміла 10-е аператыўнае камандаванне Польскіх узброеных сіл.
«Гэта была чарговая ноч павышанай гатоўнасці польскіх і саюзных сістэм і інтэнсіўнай службы вайскоўцаў Войска Польскага, якія пастаянна сочаць за сітуацыяй на тэрыторыі Украіны і застаюцца ў пастаяннай гатоўнасці забяспечваць бяспеку паветранай прасторы Польшчы», — растлумачылі ў аператыўным камандаванні.
Раней паведамлялася, што ў ноч з чацвярга на пятніцу назіралася інтэнсіўная актыўнасць стратэгічнай авіяцыі РФ, звязаная з нанясеннем ракетных удараў па аб'ектах на тэрыторыі Украіны.
Аператыўнае камандаванне паведаміла, што ў адказ польскія і саюзныя самалёты дзейнічалі ў паветранай прасторы Польшчы, што магло прывесці да павышэння ўзроўню шуму, асабліва ў паўднёва-ўсходняй частцы краіны.
«Усе неабходныя працэдуры для забеспячэння бяспекі паветранай прасторы Польшчы распачатыя, і вайскоўцы пастаянна адсочваюць сітуацыю», — запэўнілі ў камандаванні.
PAP/юл