У нядзелю ў Польшчы адбыліся муніцыпальныя выбары. Палякі выбіралі каля 47 тысяч дэпутатаў мясцовых узроўняў, а таксама амаль 2,5 тысячы войтаў, бургамістраў і мэраў гарадоў.
Партыя «Права і справядлівасць» атрымала найбольшую падтрымку - 33,7% галасоў. Пра гэта сведчаць вынікі экзіт-полу, праведзенага Ipsos для TVP Info, Polsat News і TVN24. На другім месцы апынулася «Грамадзянская кааліцыя» з вынікам 31,9%, на трэцім – «Трэці шлях» з падтрымкай 13,5 працэнта, затым ідуць «Канфедэрацыя» і «Беспартыйныя самаўраднікі» - 7,5%. Левыя атрымалі 6,8% галасоў.
Такім чынам, тры партыі («Грамадзянская платформа», «Трэці шлях» і «Левыя сілы»), якія ўваходзяць у Грамадзянскую кааліцыю і фармуюць урад Дональда Туска, разам набралі больш за 50% галасоў.
Яўка на мясцовых выбарах склала 51,5 працэнта.
Рафал Тшаскоўскі (Грамадзянская кааліцыя) перамог на выбарах мэра Варшавы ў першым туры. Ён набраў 58,9% галасоў. Другое месца заняў Тобіаш Бахэньскі з «Права і справядлівасці» (18,5%).
Экзіт-полы — вынікі апытання, якія базіруюць на адказах выбаршчыкаў пасля выхаду з выбарчых участкаў.
IAR/нг