У мінулым годзе іншаземцы купілі ў Польшчы больш за 14 тыс. 300 кватэр, паведаміла Міністэрства ўнутраных спраў і адміністрацыі краіны. На першым месцы сярод пакупнікоў нерухомасці ў Польшчы – украінцы. Аднак найбольшы рост у набыцці кватэр зафіксаваны сярод грамадзян Беларусі.
Летась украінцы купілі ў Польшчы амаль 380 тыс. квадратных метраў жылля, беларусы – каля 111 тыс. квадратных метраў. Трэцяе месца занялі немцы – больш за 54 тыс. квадратных метраў.
Летась грамадзяне Беларусі набылі ў Польшчы амаль на 30% жылой плошчы больш, чым у 2022 годзе.
Чарговыя месцы, пачынаючы з чацвёртага, займаюць адпаведна грамадзяне Расіі, Італіі, Вялікабрытаніі, Францыі, Кітая, Індыі, Іспаніі, Нідэрландаў, Турцыі, ЗША, Ізраіля і Аўстраліі.
Найбольш папулярнымі лакацыямі для набыцця жылой маёмасці сярод чужаземцаў з'яўляюцца Варшава, Кракаў і Уроцлаў. Далей ідуць Лодзь, Познань і Гданьск.
вс