Заўтра, 23 красавіка, у Польшчу прыедуць генеральны сакратар НАТА Енс Столтэнберг і прэм'ер Вялікабрытаніі Рышы Сунак.
Енс Столтэнберг будзе знаходзіцца ў Варшаве з кароткім візітам і сустрэнецца, сярод іншага, з прэм'ер-міністрам Дональдам Тускам.
Крыніцы, блізкія да штаб-кватэры НАТА, паведамляюць, што ў аўторак днём генеральны сакратар НАТА наведае бранетанкавую брыгаду ў варшаўскім раёне Весёла.
Таксама заўтра Варшаву наведае брытанскі прэм’ер Рышы Сунак. У другой палове дня ён сустрэнецца з кіраўніком ураду Дональдам Тускам.
«Заўтрашні візіт прэм'ер-міністра Вялікабрытаніі і генсакратара НАТА... гэта працяг маёй місіі па аднаўленні і пашырэнні пазіцыі Польшчы ў палітыцы бяспекі», — сказаў Дональд Туск журналістам.
IAR/вх