У параўнанні з аналагічным перыядам 2023 года паслугі падаражэлі на 6,2 працэнта, прадукты — на 1,2 працэнта.
Эканамічны эксперт Канфедэрацыі Lewiatan Марыюш Зялёнка (Mariusz Zielonka) сказаў, што травеньскія дадзеныя паказваюць эфект двух доўгіх выходных, калі цэны на арганізаваны турызм выраслі на 11 працэнтаў у параўнанні з мінулым годам. Ён адзначыў, што інфляцыя ў траўні знаходзіцца ў межах мэтавай інфляцыі Нацбанка Польшчы. На яго думку, гэта даволі нечакана.
«Калі акажацца, што папярэднія звесткі за чэрвень таксама пакажуць інфляцыю ў межах мэты, то можна чакаць, што наратыў прэзідэнта Глапіньскага адносна працэнтных ставак у бліжэйшы час крыху зменіцца», — растлумачыў Марыюш Зялёнка.
Сённяшнія дадзеныя супадаюць з папярэдняй ацэнкай Галоўнага статыстычнага ўпраўлення.
IAR/вх