Два абаронныя праекты, якія Польшча прасоўвала на форуме Еўрасаюза, удалося разгледзець на саміце Еўрапейскай рады, паведаміў прэм'ер-міністр краіны Дональд Туск.
Кіраўнік Кабінету міністраў Польшчы сказаў, што, нягледзячы на рознагалоссі, па гэтых пытаннях сярод еўрапейскіх лідараў удалося дасягнуць кампраміс.
- Разам з грэкамі мы падрыхтавалі праект па абароне еўрапейскага неба. «Абаронны шчыт», «Купал» – можна называць яго па-рознаму, але сутнасць заключаецца ў тым, каб за бяспечнае неба над Еўропай адказваў Еўрасаюз, а не паасобныя дзяржавы. Тое ж самае было з праектам «Шчыт Усход». Мы абʼядналі яго з ініцыятывай краін Балтыі, якія згадзіліся стварыць балтыйскую лінію абароны.
Прэмʼер-міністр Польшчы таксама адзначыў, што пытанні бяспекі ўсходняй мяжы і неба былі ўключаныя ў высновы саміту Еўрасавета ды стратэгічны парадак дня на бліжэйшыя пяць гадоў.
вс