Цана золата ўстанавіла новы рэкорд - дасягнула 2750 долараў за ўнцыю. Уршуля Крыньска з PKO Bank Polski тлумачыць, што рост апошніх дзён быў выкліканы ўзмацненнем геапалітычнай напружанасці, звязанай, між іншым, з сітуацыяй на Блізкім Усходзе.
- Рост таксама звязаны з вялікай неўпэўненасцю ў сувязі з вынікамі выбараў у ЗША, дзе верагоднасць перамогі кожнага з кандыдатаў больш менш аднолькавая.
Уршуля Крыньска дадала, што цэны на золата растуць на працягу ўсяго года:
- Цяпер яны прыкладна на 30% большыя, чым былі на пачатку году. Гэтаму спрыяе высокая няўпэўненасць на сусветных фінансавых рынках, а таксама большыя пакупкі цэнтральных банкаў. Нацбанк Польшчы – адзін з найбольш актыўных у пакупцы золата сярод цэнтральных банкаў у свеце.
Цэны на золата таксама падтрымліваліся менш абмежавальнай грашова-крэдытнай палітыкай ва ўсім свеце, а таксама зніжэннем працэнтных ставак буйнымі цэнтральнымі банкамі, асабліва амерыканскім.
ав