Як паведамляе агенцтва dpa, на працягу некалькіх дзён пачнецца ваенная разведка, якая дазволіць стварыць умовы для разгортвання элементаў сістэмы супрацьпаветранай абароны.
Нямецкія СПА Patriot з'явіліся ў Польшчы летась, калі расійскія атакі пагражалі тэрыторыі каля польска-ўкраінскай мяжы. Са студзеня па лістапад 2023 года яны дыслакаваліся пад Замосцем. Элементамі сістэмы кіравалі 320 нямецкіх салдат.
Нямецкія СМІ нагадваюць, што аэрапорт у Жэшаве, які ахоўваюць у тым ліку амерыканскія патрыёты, і чыгуначная лінія, якая праходзіць праз раён Замосця з больш шырокай каляінай, прыстасаванай да ўкраінскай чыгункі, маюць стратэгічнае значэнне.
Менавіта ў гэтым раёне ў студзені зноў павінна з'явіцца нямецкая армія з сістэмай супрацьпаветранай абароны. Высновы агенцтва паказваюць, што рашэнне не звязана з канкрэтнай зменай узроўню пагрозы, а з'яўляецца вынікам пастаяннага супрацоўніцтва паміж арміямі НАТА.
IAR/вх