Сярэднестатыстычны польскі бацька мае 33 гады і вышэйшую адукацыю, паведаміла Галоўнае статыстычнае ўпраўленне Польшчы.
З дадзеных вынікае, што з кожным годам польскія мужчыны бацькамі становяцца ўсё пазней. Так, у 2010 годзе сярэднестатыстычны польскі бацька меў 31 год, у 2007-м – 30 гадоў.
Шэсць на 10 бацькаў дзеліцца хатнімі абавязкамі і выхаваннем дзяцей з жонкай альбо партнёркай. Гэтаму ён прысвячае ў сярэднім дзве гадзіны ў дзень – гэта на 11 хвілін больш, чым у 2013 годзе. Больш за 95% польскіх бацькаў працуюць.
Сёння, 23 чэрвеня, у Польшчы адзначаецца Дзень бацькі.
вс