Паводле дадзеных Галоўнага статыстычнага ўпраўлення, на канец чэрвеня ўзровень беспрацоўя ў Польшчы склаў 5,2% супраць 5,0% ў траўні.
Дырэктар Бюро стратэгіі рынкаў у PKO Bank Polski Марыюш Адамяк адзначыў, што беспрацоўе ўсё яшчэ трымаецца каля рэкордна нізкіх значэнняў. Паводле яго, чэрвеньскі рост колькасці зарэгістраваных беспрацоўных не сведчыць пра пагаршэнне сітуацыі на рынку працы:
— Найверагодней, гэты нязначны рост выкліканы рэформай службы занятасці, якая спрасціла працэдуру рэгістрацыі беспрацоўных. Верагодна, больш людзей звярнулася ва ўстановы і прайшло рэгістрацыю. Іншыя эканамічныя паказчыкі не сведчаць пра зніжэнне попыту на працу, — падкрэсліў эксперт.
Эканаміст таксама не чакае росту беспрацоўя ў найбліжэйшыя кварталы. Наадварот, як ён адзначае, у перспектыве некалькіх гадоў прагназуецца дынамічнае развіццё польскай эканомікі, што створыць павышаны попыт на кадры.
IAR/эж