Гарцэры з Ніжняй Сілезіі ўначы праходзілі там тэст на фізічную падрыхтоўку. Падлетак павінен быў пераплыць возера і на беразе распаліць вогнішча. Некаторыя СМІ пішуць, што падлетак быў у гарцэрскай форме і берцах.
Пасля поўначы падлетак пераплываў возера і нечакана апынуўся пад вадой. Для дапамогі ў пошуках былі выкліканы ратавальнікі з лодкамі з Познані, Косцяна і Вольштына.
Як паведаміў Польскаму радыё прэс-сакратар акруговай пракуратуры ў Познані Лукаш Вавжыняк, сярод затрыманых — кіраўнік гарцэрскага атрада і выратавальнік WOPR.
- Ім пакуль не прад’яўленыя абвінавачанні. З уступных дадзеных вядома, што хлопца не падстрахоўвалі з лодкі. Паводле нашых уступных звестак, гэта адбылося насуперак правілам бяспекі.
Пракуратура вядзе працэс па высвятленні абставін утаплення хлопчыка. Выхаваўца і ратавальнік спрабавалі выратаваць хлопчыка, але не змаглі справіцца самастойна і выклікалі дапамогу. На жаль, а 5:30 раніцы пажарныя-вадалазы выцягнулі цела хлопчыка на бераг.