Прэс-сакратар паліцыі Сасноўца Катажына Цыпель-Дамброўская паведаміла Польскаму радыё, што паліцыя атрымала паведамленне каля 5:00 раніцы:
- Згодна з паведамленнем, па вуліцы ішоў узбударажаны чалавек з мачэтэ ў руцэ. Раней ён пашкодзіў прыпаркаваныя аўто і гарадскі аўтобус. Калі прыехала паліцыя, мужчына скіраваў сваю агрэсію ў іх бок, не выконваў загадаў функцыянераў. У сувязі з непасрэднай пагрозай здароўю і жыццю паліцэйскія выкарысталі агнястрэльную зброю ў дачыненні да зламысніка. Мужчыну прывезлі ў шпіталь, дзе ён памёр.
Пракуратура ўзбудзіць дзве вытворчасці пасля сённяшняга ўмяшання паліцыі. Па-першае, следчыя будуць вывучаць, ці мела месца злоўжыванне ўладай. Другая справа тычыцца нападу на супрацоўнікаў паліцыі.
Пасля сённяшняга інцыдэнту мэр Сасноўца заклікаў жыхароў захоўваць спакой і ўважлівасць. Ён таксама запэўніў іх у сваім даверы да служб.
ав