Крэслы для новых самалётаў Польскіх авіяліній LOT вырабіць завод у Свебодзіне. Прадпрыемства паставіць сядзенні, у тым ліку, для самалётаў тыпу Airbus A220, нядаўна замоўленых перавозчыкам. Раней тая ж фабрыка вырабляла крэслы для Boeing 737.
Новыя сядзенні будуць абсталяваныя сучаснымі функцыямі — сярод іншага, падстаўкай для смартфона з USB-раз’ёмам, а таксама рэгуляванымі падгалоўнікамі, якія падстройваюцца пад рост пасажыра. Крэслы для самалётаў Boeing 737 будуць абітыя натуральнай скурай цёмна-сіняга колеру.
Першая партыя сядзенняў ужо адпраўленая на завод Boeing у ЗША, цяпер вырабляюцца наступныя. Перад тым як патрапіць на борт, крэслы павінны прайсці строгія выпрабаванні — у тым ліку тэсты на гаручасць і выдзяленне таксічных рэчываў. Як адзначыў кіраўнік польскага аддзялення кампаніі Міхал Навіцкі, бяспека пасажыраў — гэта галоўны прыярытэт.
Польскі завод таксама вырабляе авіякрэслы для іншых авіякампаній з усяго свету.
IAR/нг