Беларуская Служба

«Ключавая задача зараз — закрыць міграцыйны шлях, які перамясціўся з Беларусі ў Літву і Латвію»

03.08.2025 15:03
Польшча падоўжыць памежны кантроль з Літвой і Германіяй яшчэ на 60 дзён — да 4 кастрычніка.
  ()
Мяжа Польшчы (ілюстрацыя)Фота: Беларуская служба Польскага радыё, radyjo.net

 Міністр унутраных спраў і адміністрацыі Марцін Кярвінскі нагадаў на прэс-канферэнцыі, што адпаведная пастанова была перададзена на адабрэнне ў Еўрапейскую камісію ў пятніцу:

- У верасні мы будзем прымаць рашэнне, грунтуючыся на інфармацыі, якую нам перададуць Памежная служба і войска, паліцыя. Ад гэтага будзе залежыць, ці і якія крокі будуць прымацца ў гэтай справе.

Міністр унутраных спраў і адміністрацыі падкрэсліў, што ключавая задача зараз — закрыць міграцыйны шлях, які перамясціўся з Беларусі ў Літву і Латвію.

З 7 ліпеня па 2 жніўня ва ўездзе ў Польшчу адмоўлена 185 замежнікам. На мяжы з Германіяй — 124 чалавекам, на мяжы з Літвой — 61 чалавеку.

ав