Грамадскасць павінна атрымаць вычарпальную інфармацыю адносна ракеты, якая ўпала на дом у Вырыках, заявіла міністр фінансаў і рэгіянальнай палітыкі Катажына Пэлчынска-Налэнч.
Спачатку ўлады паведамілі, што на мінулым тыдні ў дом урэзаўся расійскі беспілотнік, але, паводле звестак газеты «Rzeczpospolita», у дом трапілі абломкі ракеты, прызначанай для нейтралізацыі беспілотніка.
У эфіры «Польскага радыё» Катажына Пэлчынска-Налэнч падкрэсліла, што Расія нясе поўную адказнасць за інцыдэнт, але неабходна падрабязнае тлумачэнне:
- Усе галасы, якія абмінаюць адказнасць Расіі, вельмі неадказныя. Па-другое, я лічу, калі будзе поўнае разуменне сітуацыі, людзі павінна даведацца, як было насамрэч. Каб у міжнароднай сітуацыі і ў сітуацыі расійскіх націскаў быў поўны давер грамадства да атрыманай інфармацыі.
Паводле крыніц «Rzeczpospolita», у запушчанай ракеты была няспраўная сістэма навядзення. Справу аб неідэнтыфікаваным аб'екце, які ўпаў на дом у Вырыках, расследуе Дэпартамент па ваенных справах акруговай пракуратуры ў Любліне. У выніку інцыдэнту ніхто не пацярпеў, дом быў пашкоджаны і будзе адноўлены за кошт дзяржавы.
ав