25-я паветраная кавалерыйская брыгада стане піянерам у Сухапутных войсках Польшчы ў вытворчасці беспілотнікаў ва ўласнай DronLab і ў падрыхтоўцы інструктараў і аператараў. «Гэта новы аспект аперацый нашага фарміравання, якія дагэтуль адрозніваліся паветрана-наземным характарам», – распавёў камандзір брыгады палкоўнік Пётр Голас.
Размешчаная ў Тамашове Мазавецкім, Новым Глінніку і Лежніцы Вялікай у Лодзінскім ваяводстве, 25-я паветрана-кавалерыйская брыгада з'яўляецца адным з найбуйнейшых і элітных падраздзяленняў Польскай арміі. Гэта паветрана-мабільнае фарміраванне налічвае больш за 5000 салдат, асноўная задача якіх – хутка рэагаваць на пагрозы і праводзіць баявыя і ахоўныя аперацыі з выкарыстаннем верталётаў. Салдаты 25-ай брыгады ўдзельнічаюць практычна ва ўсіх аперацыях Узброеных сіл Польшчы па ўсёй краіне, у тым ліку ў разгортванні на ўсходняй мяжы і міжнародных місіях.
DronLab – гэта ініцыятыва салдат 25-ай брыгады, чый запал ператварыўся ў прафесійны аддзел. Спачатку энтузіясты займаліся вырабам беспілотнікаў у нефармальнай групе, якая паступова пашыралася, і дзякуючы 3D прынтару, яны самі выраблялі ды ўдасканальвалі беспілотнікі.
На першым этапе група будзе складацца да 30 чалавек, а мэтавая структура павінна перавысіць 100 чалавек, дадаў палкоўнік Голас. Другім этапам стане стварэнне навучальнага цэнтру для інструктараў і аператараў беспілотнікаў.
РАР/юл