Урад Польшчы прыняў законапраект аб статусе бліжэйшай асобы ў адносінах і пагадненнях аб сужыцці.
Міністр Катажына Катуля падкрэслівае, што прыняцце законапраекта з'яўляецца крокам да бяспекі і прававой абароны людзей, якія жывуць у аднаполых адносінах, а таксама гетэрасексуалаў, якія не аформілі свае адносіны афіцыйна.
«Гэта гістарычны момант», – падкрэсліла Катажына Катуля падчас брыфінгу для СМІ:
– У Сейм ідзём з праектам, які, паводле нашага аналізу, сёння падтрымлівае большасць як у Сейме, так і ў Сенаце. Гэта гістарычны момант. Да гэтага законапраект, які рэгулюе пытанне нефармальных адносін, ніколі не знаходзіў большасці ў Сейме, як і ў Сенаце.
У праекце закона аб статусе найбліжэйшай асобы ў адносінах і пагадненні аб сумесным пражыванні прадугледжваецца, што два дарослыя чалавека (ад 18 гадоў) змогуць заключыць зарэгістраванае пагадненне, якое дазволіць бакам, сярод іншага, выбраць варыянт маёмасных правоў, усталяваць абавязацельства па ўтрыманні, атрымаць права карыстання сумеснай кватэрай, а таксама даць іншай асобе доступ да медыцынскай інфармацыі і выступаць у якасці прадстаўніка ў паўсядзённых справах. Гэтыя палажэнні будуць распаўсюджвацца і на асоб з інтэлектуальнымі або псіхічнымі парушэннямі, якія цяпер не могуць уступіць у шлюб.
Пагадненне можа быць скасавана ў натарыўса. Яно перастане дзейнічаць пасля смерці або шлюбу асоб, якія заключылі пагадненне.
IAR/вх