Матэвуш Качор (Mateusz Kaczor) і Святлана Санько, беларуска, якая жыве ў Польшчы, перамаглі ў асноўным забегу (10 км).
У сёлетнім мерапрыемстве прынялі ўдзел каля 250 чалавек з Польшчы, Украіны і Беларусі. Асноўны забег, які склаў 10 км, прабеглі 108 бегуноў.
У мужчынскіх спаборніцтвах перамог Матэвуш Качор (RLTL GGG Radom), апярэдзіўшы Адама Калодзея (MUKS Wisła Junior Sandomierz) больш чым на хвіліну. Трэцім фінішаваў украінец Богдан Семяновіч, які паказаў час на адну хвіліну і 43 секунды адстаючы ад пераможцы.
У жаночай гонцы на 10 км лідзіравала Святлана Санько. Беларуска, якая цяпер жыве ў Польшчы, не пакінула сваім саперніцам ніякіх шанцаў. Яна апярэдзіла Марыю Баграноўскую-Кіліян з Кракава, якая заняла другое месца, з адрывам больш за дзве хвіліны. Магдалена Лончак (UltraFun) фінішавала трэцяй.
Навагодні вулічны забег у Шыдлуве – найстарэйшае мерапрыемства такога кшталту ў Польшчы. Яго заснавальнікам быў былы мэр гміны Ян Кламчынскі. Першы забег адбыўся ў 1977 годзе.
Шыдлув, размешчаны ў Сташуўскім павеце, – адзін з самых цікавых гарадоў Свентакшыскага ваяводства з пункту гледжання гісторыі і культурнай спадчыны. Яго галоўнай славутасцю з'яўляецца добра захаваны сярэднявечны гарадскі комплекс з абарончымі сценамі, якія датуюцца 14 стагоддзем. Горад вядомы як «польскі Каркасон».
Асноўныя вынікі гонкі на 10 км. Мужчыны 1. Матэвуш Качор (RLTL GGG Radom) 30,54 2. Адам Каладзей (MUKS Wisła Junior Sandomierz) 31,55 3. Богдан Семяновіч (Украіна) 32,37 Жанчыны 1. Святлана Санько (Беларусь) 39,14 2. Марыя Баграноўска-Кілян. (Кракаў) 41,24 3. Магдалена Лончак (UltraFun) 41,43.
PAP/вх