Рэгіянальная чыгуначная кампанія Koleje Mazowieckie запускае начны цягнік у аэрапорт Варшава-Модлін, размешчаны ад польскай сталіцы ў 35 км. Перавозчык паведаміў, што цягнік адправіцца са станцыі Варшава Усходняя а 00:17 і прыбудзе ў Модлін а 00:49. У зваротны шлях пасажырскі састаў накіруецца а 01:45 і прыбудзе на ўсходні чыгуначны вакзал а 02:16.
Паводле фірмы Koleje Mazowieckie, са станцыі Модлін у аэрапорт у начны час будзе забяспечаны давоз пасажыраў аўтобусам у кошце чыгуначнага білету.
Koleje Mazowieckie — адна з буйнейшых пасажырскіх чыгуначных кампаній у Польшчы. Яна здзяйсняе рэгіянальныя перавозкі ў цэнтральным Мазавецкім ваяводстве, а таксама міжгароднія ў межах міжваяводскіх зносін.
Варшава–Модлін — другі аэрапорт польскай сталіцы. Ён з’яўляецца галоўнай польскай базай бюджэтнай ірландскай авіякампаніі Ryanair. Летась аэрапорт прапусціў 1 млн 800 тыс. пасажыраў.
вс