Адбыліся сутычкі, спробы дэмантажу агароджы і ўмяшанне паліцыі. У цэнтры спрэчкі было пытанне кіраўніцтва суду і законнасці яго рашэнняў.
У пятніцу палітыкі з галоўнай апазіцыйнай партыі «Права і справядлівасць» і іх прыхільнікі сабраліся перад штаб-кватэрай Канстытуцыйнага суду на праспекце Шуха, пратэстуючы супраць змен у кіраўніцтве ўстановы. Сітуацыя хутка абвастрылася. Адбыліся сутычкі з паліцыяй і спробы пранікнення ў памяшканне суду.
Дэпутат ад партыі ПіС Марыюш Госек разрэзаў агароджу, дазволіўшы суддзі Богдану Свянчкоўскаму, паўнамоцтвы якога былі прыпыненыя на месяц, увайсці ў будынак. Прыпыненне паўнамоцтваў суддзі і стала прычынай учорашніх падзей. Паліцыя ахоўвае месца здарэння, учора былі затрыманыя некалькі чалавек.
Падзеі таксама выклікалі рэакцыю прэзідэнта Караля Наўроцкага, які прыняў рашэнне развярнуць самалёт, якім ён накіроўваўся ў Сенегал, каб вярнуцца ў Варшаву. Прэзідэнт познім вечарам прыехаў у будынак суду, каб сустрэцца з суддзямі.
Канфлікт вакол Канстытуцыйнага суду не новы і працягваецца ўжо шмат гадоў. Учорашнія падзеі — гэта працяг канфлікту. Кіруючая кааліцыя выступае за неабходнасць рэфармавання сістэмы правасуддзя, у той час як партыя «Права і справядлівасць» абвінавачвае ўрад у незаконным захопе ўстановы. Спрэчка, якая гадамі была ў асноўным палітычнай і прававой, цяпер прыняла форму прамых сутыкненняў перад будынкам суда.
ав
PAP/Radek Pietruszka
PAP/Piotr Nowak
PAP/Marcin Obara