Інцыдэнты на чыгуначнай лініі Варшава — Дарагуск мелі прыкметы дзеянняў тэрарыстычнага характару. Пра гэта гаворыцца ў справаздачы Дзяржаўнай камісіі па расследаванні чыгуначных аварый. Гаворка ідзе пра два здарэнні, якія адбыліся ў лістападзе 2025 года. Паводле атрыманай інфармацыі, мэтай зламыснікаў было «справакаваць катастрофу на наземным транспарце і запалохаць вялікую колькасць людзей».
У населеным пункце Міка ў Мазавецкім ваяводстве выбух пашкодзіў чыгуначную рэйку. У сваю чаргу, непадалёк ад мясцовасці Голэмбя (Gołębia) ў Люблінскім ваяводстве была пашкоджана кантактная сетка. У выніку цягнік, у якім знаходзіліся 475 пасажыраў, быў вымушаны рэзка затармазіць.
Як паведамляецца на сайце Міністэрства ўнутраных спраў і адміністрацыі Польшчы, камісія прызнала першы інцыдэнт актам тэрарыстычнага характару, а другі — патэнцыйнай тэрарыстычнай пагрозай.
Расследаванне актаў дыверсіі вядзе Нацыянальная пракуратура. Двое падазраваных у непасрэдным ажыццяўленні нападаў хаваюцца за мяжой, у Польшчы яны абвешчаныя ў вышук. Абвінавачанне прад'яўлена грамадзяніну Украіны, якога падазраюць у лагістычнай дапамозе ў падрыхтоўцы і ажыццяўленні дыверсійных дзеянняў.
IAR/нг