Намеснік міністра замежных спраў Польшчы Марцін Пшыдач (Marcin Przydacz) падтрымаў Украіну і нагадаў Apple, што анексаваны Расіяй Крым не з'яўляецца часткай расійскай дзяржавы. Польскі палітык, напісаў пра гэта ў Твітары, паведамляе „Еўрапейская праўда”.
„Дазвольце мне далучыцца да Украіны, выказаўшы расчараванне дзеяннямі Apple. А менавіта, гаворка ідзе пра падыход да Крыму, які кампанія ўспрымае як частку Расіі. Я нагадаю вам адзін відавочны факт: гэта няпраўда”, - напісаў польскі дыпламат.
Раней стала вядома, што кампанія Apple адказала на патрабаванні Расіі і ў сваіх прыкладаннях Apple Maps і Weather пачала пазначаць Крым, як частку Расіі.
аз