Прэм'ер-міністр Матэвуш Маравецкі звярнуўся да ўсіх парламенцкіх партыяў з просьбай прыняць пакет законаў вядомы пад назвай «антыкрызісны шчыт». На часткова аддаленым пасяджэнні Сейма кіраўнік урада падкрэсліў, што падчас такога крызісу кожны дзень мае вялікае значэнне:
-Прашу, шаноўны сход, усіх у атмасферы згоды прагаласаваць за наш пакет сёння. Наш «антыкрызісны шчыт» з’яўляецца добрай прыладай падчас гэтага этапу змагання з кранавірусам. Мы павінны дзейнічаць імкліва. Мы хочам прывесці да таго, каб «антыкрызісны шчыт» пачаў дзейнічаць у бліжэйшыя дні.
Праект так званага «антыкрызіснага шчыта» урад абмеркаваў з грамадствам і прадстаўнікамі ўсіх парламенцкіх груповак. Ён прадугледжвае дзяржаўную падтрымку гаспадрцы ў памеры каля 47 млрд еўра.
«Антыкрызісны шчыт» складаецца з пяці абшараў: падтрымка сістэмы аховы здароўя, бяспека фінансавай сістэмы, падтрымка прадпрымальнікаў і дзяржаўных інвестыцыяў, а таксама – што для ўрада зʼяўляецца прыярытэтам – захаванне працоўных месцаў.
«Працадаўца можа знізіць на 20% заработную плату і працоўны час – аднак не менш чым на няпоўны працоўны дзень. Дзяржава і працадаўца бяруць на сябе выдаткі на палову заробку», – патлумачыла праект антыкрызіснага заканадаўства Марлена Малонг, міністр сямʼі, працы і сацыяльнай палітыкі.
Між тым у Польшчы з пачатку пандэміі SARS-CoV – 2 пацверджана больш за 1240 выпадкаў заражэння, памерлі 16 чалавек. Больш за ўсё інфікаваных знаходзіцца ў сталічным рэгіёне на Мазоўшы, а меней за ўсё ля мяжы з Беларуссю – на Падляшшы.
IAR/эж