Анджей Дуда наведаў Палескі нацыянальны парк
Дзейсны прэзідэнт Анджэй Дуда наведаў Палескі нацыянальны парк ва ўсходняй частцы Польшчы. Галоўнай тэмай была экалогія. Паводле Дуды, прамысловае развіццё павінна ісці ў пары разам з дбайнасцю аб навакольным асяроддзі. «Я заўсёды выступаў супраць прыватызацыі лясоў», казаў ён на сустрэчы з леснікамі.
- Вельмі шмат аб гэтым гаварылі падчас мінулай прэзідэнцкай кампаніі. Памятаем, што былі планы прыватызаваць прадпрыемства «Дзяржаўныя лясы». Я вельмі рады, што гэтыя ідэі не адлюстраваліся ў польскай юрыдычнай сістэме. I я рады, што «Дзяржаўныя лясы» застаюцца магутным дзяржаўным прадпрыемствам і упраўляюць нацыянальным дабром усяго грамадства, народу, і дзяржавы, то бок нашым лесам.
Рафал Тшаскоўскі (P) на сустрэчы з выбарцамі
У сваю чаргу апазіцыйны кандыдат ад «Грамадзянскай кааліцыі» Рафал Тшаскоўскі у мясцовасці Тшцянка ў Велькапольшчы на захадзе краіны патрабаваў ад прэзідэнта падрабязнай інфармацыі адносна актаў памілавання.
- Памілаванне з'яўляецца вельмі важнай часткай прэзідэнцтва і патрэбна, каб гэтая сістэма была як мага больш празрыстай. Для мяне важна атрымаць інфармацыю, ці ў спісе памілаваных былі людзі, звязаныя з партыяй «Права і справядлівасць», каб было выразна бачна, якімі крытэрамі кіруецца прэзідэнт, прымаюмучы настолькі адказныя рашэнні.
Анджэй Дуда наведае яшчэ сёння, між іншым, горад Бяла-Падляска, а Рафал Тшаскоўскі Гожув Велькапольскі.
яс