У нядзелю беларусы правялі ўсенародны пратэст супраць фальсіфікацыі вынікаў прэзідэнцкіх выбараў. Акцыя пад назваю «Марш новай Беларусі» сабрала ў Мінску больш за 200 тыс. чалавек. На марш прыйшла перш за ўсё моладзь, хаця ў вялікім натоўпе было бачна людзей усіх узроставых катэгорый.
Варшава таксама не застаецца абыякавай да падзей у Беларусі. Маладыя людзі пабудавалі ў нядзелю ланцуг салідарнасці з Беларуссю. Ланцуг расцягнуўся на ўсю даўжыню аднаго з мастоў польскай сталіцы – Сьлёнска-Дамброўскага мосту. Гавораць удзельніцы акцыі:
- Мне 25 гадоў, Лукашэнка кіруе 26 гадоў, такім чынам ён пры ўладзе ўсё маё жыццё. Для мяне вельмі важна тое, што цяпер адбываецца ў Беларусі, мяне асабіста гэта таксама закранае. Мы хочам аказаць маральную падтрымку супрацоўнікам беларускіх дзяржаўных прадпрыемстваў, якія цяпер хацелі б баставаць, але іх запужваюць. Яны баяцца, што страцяць працу, страцяць заробкі, страцяць кватэру. Мы хочам паказаць, што мы іх падтрымліваем. Толькі я баюся, што гэта будзе даўжэйшая барацьба, чым усе спадзяюцца.
Гэта чарговая мірная маніфестацыя салідарнасці з Беларуссю ў польскай сталіцы. У нядзелю тыдзень таму на цэнтральных вуліцах Варшавы маладыя людзі з ліхтарыкамі ў руках стварылі ланцуг святла.
ПР/нг