Праз два-тры тыдні, у залежнасці ад развіцця падзей, адбудзецца чарговая сустрэча прэм'ер-міністра з прадстаўнікамі ўсіх парламенцкіх фракцый па справе Беларусі.
Учора амаль аднагалосна кіраўнік урада і прадстаўнікі ўсіх палітычных сілаў, прысутныя на сустрэчы згадзіліся, што суверэнная Беларусь - у інтарэсах Польшчы. Прэм'ер-міністр Матэвуш Маравецкі таксама прадставіў новыя падрабязнасці плана дапамогі рэпрэсаваным беларусам.
У бліжэйшым часе прэм’ер прадставіць графік польскай дапамогі для Беларусі. Гаворка ідзе пра прэзентаваны ў палове жніўня ў Сейме 5-балавы план „Салідарныя з Беларуссю”.
- Дапамога рэпрэсаваным асобам, студэнтам, якія хочуць вучыцца ў Польшчы, паскарэнне ўязных і візавых працэдураў.
Нагадваў Матэвуш Маравецкі.
„Пытанне візаў павінна быць вырашанае неўзабаве”, - паведаміў пасля ўчарашняй сустрэчы з прэм’ерам прадстаўнік „Грамадзянскай кааліцыі” Роберт Тышкевіч (Robert Tyszkiewicz).
- Падчас сустрэчы прагучала аб’яцанне, што цягам бліжэйшых дзён Міністэрства ўнутраных спраў падрыхтуе адмысловую пастанову, якая рашуча спросціць працэдуру перасякання мяжы для беларусаў.
Бюджэт польскай праграмы „Салідарныя з Беларуссю” складае 50 мільёнаў злотых (больш за 11 мільёнаў еўра), а яго размеркаваннем зоймецца ў асноўным Міністэрства замежных спраў Польшчы.
IAR/аз