Прэс-сакратар міністэрства аховы здароўя Войцех Андрусевіч сказаў журналістам, што за мінулыя суткі зробленыя амаль 30 тысяч тэстаў і выяўленыя 550 выпадкаў інфекцыі.
-Для такой колькасці зробленых тэстаў лічба заражэнняў 550 невялікая. Ёсць адно ваяводства, у якім больш за 100 выпадкаў, гаворка пра Вялікапольшча, а астатнія менш за 100, у Сілезіі каля 50 заражэнняў.
Адначасова прэс-сакратар паінфармаваў, што колькасць заражэнняў бліжэйшым часам можа расці. Усё залежыць ад лакалізацыі ачагоў.
Агулам лабараторныя тэсты ў Польшчы пацвердзілі амаль 68 тысяч заражэнняў каранавірусам. Колькасць смяротных выпадкаў у Польшчы складае 2 тысячы 58 чалавек, а 47 тысяч 30 чалавек выздаравелі.
ав