Прэзідэнт Анджэй Дуда падпісаў Закон аб іншаземцах. Дакумент прыводзіць польскае заканадаўства ў адпаведнасць з правіламі Еўрапейскага Саюза ў галіне Візавага кодэкса ў працэсах, звязаных з выдачай, адменай і ануляваннем віз.
Закон таксама дазваляе рэалізацыю плана дзеянняў, звязаных з далучэннем Польшчы да праграмы бязвізавага рэжыму са Злучанымі Штатамі Амерыкі.
Як паведамляе сайт prezyden.pl, чыноўнікаў, якія займаюцца пытаннямі імігрантаў будуць правяраць на наяўнасць судзімасці, у тым ліку за наўмысныя і фінансавыя злачынствы.
Іншаземец, які звяртаецца за нацыянальнай візай альбо ўехаў на тэрыторыю Польшчы, павінен будзе прад'явіць медыцынскую страхоўку на час знаходжання ў краіне.
Заява на візу для непаўналетніх можа быць пададзена іншым упаўнаважаным суб'ектам, у тым ліку законным апекуном.
аз