Былы прэм'ер-міністр Дональд Туск быў абраны новым старшынём «Грамадзянскай платформы» – найбуйнейшай апазіцыйнай партыі Польшчы. Выбары праходзілі ў суботу ў аддзяленнях партыі па ўсёй краіне.
Туск атрымаў больш за 97% усіх галасоў. У ходзе нацыянальнага партыйнага плебісцыту за адзінага кандыдата Туска было пададзена 11 474 галасы. Супраць яго прагаласавалі 253 чалавекі.
Былы высокапастаўлены чыноўнік Еўрапейскага Звязу і сузаснавальнік «Грамадзянскай платформы» выконваў абавязкі старшыні партыі з ліпеня. Выбары былі прызначаныя, нягледзячы на тое, што тэрмін паўнамоцтваў Барыса Будкі меў скончыцца ў студзені 2022 года. Аднак прадстаўнікі «Грамадзянскай платформы» вырашылі правесці выбары новага лідара раней, бо ў кастрычніку адбыліся выбары на ўсіх узроўнях улады ўнутры партыі.
Дональд Туск займаў пасаду прэмʼер-міністра Польшчы з 2007 да 2014 года. Затым быў старшынёй Еўрапейскай рады. У 2019 годзе Туск узначаліў Еўрапейскую народную партыю - найбуйнейшай групоўку ў Еўрапейскім парламенце.
pap/эж