Інстытут Пілецкага прадставіць ваенныя рэпартажы з Украіны

Такім чынам установа адзначыць Еўрапейскі дзень памяці ахвяраў сталінізму і нацызму.

Інстытут Пілецкага

instytutpileckiego.pl

У Еўрапейскі дзень памяці ахвяраў сталінізму і нацызму Інстытут Пілецкага прэзентуе ваенныя ўспаміны ўкраінцаў, якія перажылі кашмар расійскай агрэсіі. Успаміны паходзяць са збораў, заснаванага інстытутам Цэнтра Лемкіна, які дакументуе расійскія злачынствы ва Украіне.

Кіраўнік Цэнтрa Лемкіна Якуб Керсікоўскі(Jakub Kiersikowski) паясняе, што падзея звязаная з 83-й гадавінай падпісання 23 жніўня 1939 года ў Маскве Дагавора аб ненападзе, інакш Пакта Молатава-Рыбентрaпа.

- Пакт Молатава-Рыбентрaпа скасаваў свабоду і незалежнасць польскага народа. Дэмаркацыйная лінія праз тэрыторыю Польшчы, вызначала сферы ўплыву Расіі і Трэцяга Рэйху. Пуцін дзейнічаў аналагічным чынам – абвясціўшы ваенныя дзеянні ва Украіне, адмовіў украінскаму народу ў праве на існаванне. Пакт Молатава-Рыбентрaпа рабіў немагчымым існаванне свабоднай польскай нацыі, а агрэсія Расіі – гэта вайна са свабоднай украінскай нацыяй і скасаванне права на яе існаванне.

Падчас мерапрыемства акторы будуць чытаць выбраныя драматычныя ваенныя рэпартажы, сабраныя Цэнтрам Лемкіна. Удзельнікі імпрэзы змогуць паслухаць ваенную паэзію ці паглядзець фільмы, якія паказваюць маштабы разбурэнняў, нанесеных расійскай арміяй ва Украіне. Мерапрыемства пачнецца а 19-й гадзіне ў Акадэміі выяўленчага мастацтва на вуліцы Касцюшкоўскае ўзбярэжжа 39, у Варшаве.

IAR/аз