Газета адзначае, што летась нямецкія інвестары здзейснілі ў Польшчы 36 прамых замежных інвестыцый. Гэта 16% ад усіх заяўленых летась праектаў на Вісле, якія створаць больш за 2000 працоўных месцаў.
Большага не дасягнула ніводная іншая еўрапейская краіна. За межамі Старога кантынента сярод лідараў па інвестыцыях ЗША з 52 праектамі, якія ствараюць амаль 10 тысяч працоўных месцаў.
«ЗША і Нямеччына адказваюць за 52 адсоткі працоўных месцаў, якія будуць створаныя ў Польшчы дзякуючы прамым замежным інвестыцыям, анансаваным у 2023 годзе», — піша «Puls Biznesu», дадаючы, што побач ідуць Вялікабрытанія і Бельгія.
Сярод прычын, па якіх немцы больш ахвотна інвестуюць у Польшчу, газета называе рост выдаткаў, у тым ліку цэн на энерганосьбіты на нямецкім рынку, доступ да кваліфікаваных супрацоўнікаў, а таксама месца знаходжанне і геаграфічная блізкасць да рынкаў ЕС.
«Puls Biznesu» піша, што за апошнія гады змянілася і структура замежных інвестыцый нямецкіх кампаній — растуць інвестыцыі ў вытворчасць машын і прылад, а скарачаюцца ў праграмнае забеспячэнне і ІТ-індустрыю.
ПР/юл