Палявы шпіталь у горадзе Ныса ўжо прыняў больш за 200 пацыентаў, там працуюць мабільныя брыгады медыкаў, паведаміў віцэ-прэм’ер, міністр нацыянальнай абароны Уладзіслаў Касіняк-Камыш.
Міністр паведаміў, што салдаты парадкуюць тэрыторыю пасля паводкі, расчышчаюць дарогі, развозяць ваду і ежу, а таксама працуюць у размеркавальных пунктах.
«Дэзінфекцыйныя брыгады гатовыя дапамагчы. У многіх месцах набярэжныя яшчэ ўмацоўваюцца, нашы верталёты патрулююць тэрыторыю. Заўтра мы пачынаем аперацыю «Фенікс» – аднаўленне разбураных рэгіёнаў», – напісаў у сацыяльных сетках Уладзіслаў Касіняк-Камыш.
Аперацыя «Фенікс» працягнецца да канца года. Аднак у кіраўніцтве Мінабароны заяўляюць, што пры неабходнасці вайскоўцы будуць аказваць дапамогу пацярпелым раёнам і даўжэй. Зараз ды барацьбы з наступствамі паводкі прыцягнутыя больш за 26 тысяч вайскоўцаў. У тым ліку звыш за 23,5 тысяч аказваюць дапамогу жыхарам затопленай тэрыторыі.
IAR/нг