Роўна 85 гадоў таму, 5 сакавіка 1940 года, у Крамлі было прынята так званае катынскае рашэнне аб фізічнай ліквідацыі польскіх афіцэраў, якія трапілі ў савецкі палон, наступствам якога стала забойства супрацоўнікамі НКУС СССР амаль 22 тыс. польскіх афіцэраў, паліцыянтаў, памежнікаў, турэмных службоўцаў, леснікоў, а таксама рэзервістаў польскай арміі. Масавыя растрэлы праводзіліся ў Катыні, Старабельску, Асташкаве, Быкоўне і беларускіх Курапатах.
Завізіраваная чальцамі Палітбюро пастанова аб масавым забойстве польскіх афіцэраў
Прапанову аб фізічнай расправе над палякамі вылучыў наркам унутраных спраў Лаўрэнцій Берыя. У выніку гэту прапанову аднагалосна падтрымалі ўсё Палітбюро ЦК ВКП(б).
Масавыя пахаванні забітых палякаў пасля ўварвання ў СССР у 1941 годзе выкрылі гітлераўцы. Савецкія ўлады тады ўсё адмаўлялі, абвінавачваючы ў масавым забойстве нямецкіх акупантаў.
IAR/PAP/ez