Памежнікі ў першую чаргу будуць правяраць мікрааўтобусы і легкавыя аўтамабілі з вялікай колькасцю людзей, асабліва аўтамабілі з таніраванымі шыбамі.
Часовыя памежныя праверкі з Германіяй і Літвой пачнуцца ў ноч з нядзелі на панядзелак. Яны будуць праводзіцца ў 52 месцах на польска-нямецкай мяжы і ў трынаццаці на польска-літоўскай мяжы.
Малодшы лейтэнант Конрад Швед са штаба Памежнай аховы ў інтэрв'ю PAP растлумачыў, што «Не будзе абсалютна ніякіх бар'ераў або калючага дроту. Аўтамабілі будуць праязджаць, а праверкі будуць праводзіцца толькі адзінкава на аснове нашага аналізу рызык. У выпадку спынення транспартнага сродку будуць правярацца дакументы кіроўцы і пасажыраў, а таксама багажнікі транспартных сродкаў», — паведаміў памежнік.
Ён дадаў, што перад кантрольна-прапускным пунктам могуць быць рукавы для запаволення руху, звужэнне дарогі або проста сігналы для запаволення руху будуць падаваныя супрацоўнікамі праваахоўных органаў.
Лейтэнант Швед запэўніў, што Памежная ахова паклапоціцца пра тое, каб жыхары памежных раёнаў, і перш за ўсё тыя, хто ездзіць на працу па другі бок мяжы, не адчувалі ніякіх нязручнасцяў.
Польскія ўлады заяўляюць, што часовае аднаўленне памежнага кантролю неабходна для скарачэння наплыву нелегальных мігрантаў.
РАР/юл