Міністр унутраных спраў і адміністрацыі Томаш Сямоняк (Tomasz Siemoniak) паведаміў пра пратэст у эфіры Польскага радыё. Ён таксама абвясціў пра наступныя дзеянні Міністэрства замежных спраў.
«Мы надзвычай сур'ёзна ставімся да кідання «кактэйлю Молатава». Гэтага б не адбылося без беларускіх службаў, і мы будзем рашуча пратэставаць. Мы зробім адпаведныя крокі. Я не хачу апярэджваць пэўныя факты, але Памежная служба на ўзроўні паўнамоцных прадстаўнікоў падала рашучы пратэст беларускаму боку. Такія сітуацыі абсалютна непрымальныя», - сказаў Сямоняк.
Інцыдэнт адбыўся пры плоце паміж Польшчай і Беларуссю на ўчастку каля Чаромхі. Там супрацоўнікі Памежнай службы затрымалі дзесяць нелегальных мігрантаў. Затым у супрацоўнікаў паляцелі бутэлькі, у тым ліку «кактэйль Молатава», які выбухнуў побач з патрулём. Ніхто не пацярпеў.
IAR/яс