Збой таксама азначае, што ў паветранай прасторы Польшчы можа знаходзіцца менш самалётаў.
Міністр унутраных спраў і адміністрацыі Томаш Семоняк актываваў адпаведныя службы адразу пасля атрымання паведамлення пра збой сістэмы кіравання паветраным рухам. Прэс-сакратар Міністэрства ўнутраных спраў і адміністрацыі Яцэк Дабжынскі заявіў, што супрацоўнікі Агенцтва ўнутранай бяспекі збіраюць інфармацыю па гэтым пытанні, аналізуюць яе і правяраюць на наяўнасць магчымай дыверсіі.
«Я рэкамендую захоўваць спакой і папярэджваю аб дэзінфармацыі і фэйк-ньюс», – напісаў прэс-сакратар міністэрства на партале X.
Варшаўскі аэрапорт імя Шапэна паведаміў пра збой, але ўжо цалкам аднавіў узлётна-пасадачныя аперацыі.
Падрабязная інфармацыя пра ўзлёты і пасадкі самалётаў даступная ў аб'явах асобных аэрапортаў і на вэб-сайтах авіякампаній.
IAR/вх