Прэзідэнт Польшчы Караль Наўроцкі прызначыў гісторыка Славаміра Цэнкевіча кіраўніком Бюро нацыянальнай бяспекі (BBN). Гэта прызначэнне тлумачыцца пагрозамі з боку Расіі, а таксама досведам Цэнкевіча ў справах бяспекі.
Славамір Цэнкевіч раней узначальваў Ваеннае гістарычнае бюро, быў сябрам калегіі Інстытута нацыянальнай памяці і кіраваў Камісіяй па ліквідацыі Ввйсковай інфармацыйнай службы.
Шырокі розгалас выклікала ягоная кніга «СБ і Лех Валэнса» (2008), у якой сцвярджалася, што Валэнса супрацоўнічаў з камуністычнымі спецслужбамі. Былы прэзідэнт падаў у суд, але ў траўні 2025 года Цэнкевіч выйграў працэс.
У 2023 годзе Славамір Цэнкевіч узначаліў Дзяржаўную камісію па расследаванні ўплываў Расійскай Федэрацыі ў Польшчы ў 2007–2022 гадах. У лістападзе таго ж года камісія апублікавала прамежкавы даклад, у якім сцвярджалася, што шэраг службовых асобаў у перыяд урадавання кааліцыі PO–PSL дзейнічалі пад расійскім уплывам. Сярод фігурантаў былі названыя Дональд Туск, Барталамей Сянкевіч, Богдан Кліх і іншыя.
Камісія рэкамендавала не дапускаць гэтых асоб да пасадаў, звязаных з бяспекай дзяржавы. Аднак літаральна праз некалькі гадзін пасля публікацыі дакладу Сейм новага склікання распусціў камісію, хаця прэзідэнт Анджэй Дуда ветаваў закон аб яе ліквідацыі.
IAR/эж