Работы на месцы выбуху працягваюцца.
Гжэгаж Трусевіч, акруговы пракурор у Любліне, заявіў, што «існуе вельмі высокая верагоднасць – але гэта, падкрэсліваю, будзе пацверджана ў далейшым разглядзе справы – што аб'ект, верагодна, паходзіць з Беларусі».
Ён таксама сказаў, што ў сераду «з дапамогай супрацоўнікаў электрастанцыі ім удалося замацаваць тры лініі электраперадачы, якія маюць прыкметы свежых пашкоджанняў». «Мы падазраем, што яны могуць быць звязаныя з інцыдэнтам, які правяраецца», – дадаў ён.
Ён таксама паведаміў, што ў сераду былі дапытаныя тры чалавекі, «якія далі паказанні, што бачылі і чулі лятаючы абʼект». Усяго да гэтага часу былі дапытаныя чатыры сведкі. «Сёння мы дапытаем яшчэ трох чалавек», – сказаў ён. «Што да мерапрыемстваў, якія праводзіліся ўчора, мы замацавалі тэрыторыю ў эпіцэнтры выбуху. Перш за ўсё, мы будзем даследаваць гэтую тэрыторыю на наяўнасць выбуховых рэчываў», – заявіў ён.
Трусевіч таксама абвясціў аб мерапрыемствах, запланаваных на чацвер. «Шэсць пракурораў і прыблізна 150 прадстаўнікоў іншых службаў ужо знаходзяцца на месцы і будуць удзельнічаць у сённяшніх мерапрыемствах», – сказаў ён.
Віцэ-прэмʼер і міністр нацыянальнай абароны Уладзіслаў Косіняк-Камыш пракаментаваў інцыдэнт. «Расія зноў правакуе. Мы маем справу з расійскім беспілотнікам», – сказаў палітык.
У ноч з аўторка на сераду ў на Любельшчыне ў ста кіламетрах ад мяжы з Украінай і Беларуссю і прыкладна на такой жа адлегласці ад Варшавы выбухнуў неідэнтыфікаваны абʼект, хутчэй за ўсё, ваенны беспілотнік.
У выніку выбуху ніхто не пацярпеў. Пашкоджаныя вокны ў бліжэйшых дамах.
Хутчэй за ўсё, беспілотнік зʼяўляецца прыманкай, беспілотным лятальным апаратам, які выкарыстоўваецца для прыцягнення ўвагі сродкаў супрацьпаветранай абароны.
Паводле РАР/вх