11 000 транспартных сродкаў канфіскавала польская паліцыя ў п’яных кіроўцаў

Правілы, якія дазваляюць прымяніць такую меру былі ўведзеныя ў Польшчы ў сакавіку мінулага года.

Здымак мае ілюстрацыйны характар.

Photo:qimono /pixabay.com/CC0 Public Domain

Больш за 11 000 аўтамабіляў і матацыклаў былі канфіскаваныя ў Польшчы з моманту ажыццяўлення правілаў, датычных п'яных кіроўцаў, то бок з сакавіка мінулага года.

Старэйшы інспектар Роберт Опас(Robert Opas) з Упраўлення дарожнага руху Галоўнай камендатуры паліцыі заявіў, што з пачатку года паліцыянты спынілі на польскіх дарогах больш за 63 000 пʼяных кіроўцаў. Амаль кожны шосты страціў свой аўтамабіль:

- Да 5 жніўня бягучага года такая мера была прымененая ў дачыненні да 11 063 транспартных сродкаў.

Паліцыянт нагадаў, што канфіскацыя транспартнага сродку распаўсюджваецца на кіроўцаў, у крыві якіх было выяўлена, як мінімум, 1,5 праміле алкаголю, а таксама тых, хто здзейсніў ДТЗ пад уздзеяннем алкаголю (як мініму праміле алкаголю ў крыві).

У сярэднім кожны дзень паліцыя ў Польшчы затрымлівае больш за 200 кіроўцаў пад уздзеяннем алкаголю.

Правілы па канфіскацыі транспартных сродкаў уступілі ў сілу 14 сакавіка мінулага года.

IAR/аз