Беларуская Служба

У Польшчы засуха пагражае ўраджаю

28.08.2025 15:32
Цяперашняя засуха можа прывесці да значных страт не толькі для асобных фермераў, але і для ўсяго аграрнага сектару Польшчы. 
Ілюстрацыйны здымакаўтар: Pixabay.com/AStoKo

Польскія фермеры ўсё больш востра адчуваюць наступствы засухі, якая сёлета ахапіла 15 з 16 ваяводстваў. Прадпрымальнікі прызнаюць: без рэгулярнага арашэння захаваць ураджай становіцца немагчымым.

Фермер Барташ Майда, які займаецца вырошчваннем кавуноў ужо пяць гадоў, адзначае, што яшчэ некалькі гадоў таму клімат дазваляў абыходзіцца без дадатковых сістэм паліву.

- Першыя палі можна было апрацоўваць без арашэння. Сёння без штучнага паліву ўраджайнасць катастрафічна нізкая. Ураджай складае не больш за 40% ад запланаванага, а часам і менш.

Павел Мызяк, вытворца папрыкі, кабачкоў і баклажанаў, таксама падкрэслівае неабходнасць арашэння.

- Мы паліваем толькі тады, калі гэта крытычна для ўраджаю. Калі спынім, то зборы будуць удвая ніжэй, а гэта аўтаматычна прывядзе да росту коштаў на прадукцыю.

Па ацэнках спецыялістаў, цяперашняя засуха можа прывесці да значных страт не толькі для асобных фермераў, але і для ўсяго аграрнага сектару Польшчы. Ва ўмовах змены клімату менавіта сістэмы штучнага арашэння становяцца галоўнай прыладай змагання за ўраджай і стабільнасць харчовага рынку.

вс