Самалёт упаў на ўзлётна-пасадачную паласу пры спробе выйсці з пятлі. Загінуў маёр Мацей Краковян (Maciej "Slab" Krakowian), які тры гады запар быў пілотам-дэманстратарам падчас AIR SHOW.
«Гэта траўма для ўсёй супольнасці. Мы зробім усё, каб забяспечыць сям'ю Мацека», — заявіў генеральны інспектар ВПС Ірэнэўш Новак (Ireneusz Nowak).
— Наша прафесія — гэта прафесія высокай рызыкі. Кожны, хто вырашыць займацца гэтай прафесіяй, павінен прыняць гэтыя рызыкі. Мы толькі людзі, мы робім памылкі, у нас бываюць слабыя моманты.
Віцэ-прэм'ер Уладзіслаў Касіняк-Камыш (Władysław Kosiniak-Kamysz) выказаў спачуванні сям'і загінулага пілота і абвясціў, што сёлетняе авіяшоу, запланаванае на бліжэйшыя выхадныя, адменена.
— Усім, хто набыў квіткі, будуць вернутыя грошы. Уся інфармацыя будзе размешчана на сайце Агенцтва ваеннай маёмасці.
У катастрофе самалёта F-16 больш ніхто не пацярпеў.
IAR/яс