Рэйсы, запланаваныя на пятніцу ў і з Радама, перанесены ў варшаўскі аэрапорт імя Фрыдэрыка Шапэна. Пра гэта паведаміла прэс-служба LOT. Пасажырам будзе забяспечаны транспарт да і з аэрапорта.
Часовае прыпыненне рэйсаў звязана з учорашняй (28 жніўня) трагедыяй у аэрапорце Радам. Знішчальнік F-16 разбіўся падчас падрыхтоўкі да авіяшоу. Пілот, маёр Мацей Краковян, загінуў на месцы.
Міжнароднае авіяшоу павінна было адбыцца ў аэрапорце Радам 30 і 31 жніўня. Віцэ-прэм'ер і міністр нацыянальнай абароны Уладзіслаў Косіняк-Каміш абвясціў, што з-за трагедыі сёлетняе авіяшоу адменена.
IAR/яс