У суботу, 27 верасня, у Варшаве пройдзе мерапрыемства на адкрытым паветры для палітвязняў і іх сяброў #67ВольныДзень.
На фэсце выступяць беларускія і польскія музыканты. Таксама на сцэну выйдуць палітвязні Анатоль Хіневіч і Сяргей Далівеля, паведамляе «Будзьма».
Вядучыя імпрэзы – музычная журналістка Марына Савіцкая і акцёр Ігар Сігоў.
Акрамя таго, гасцей імпрэзы чакаюць пачастункі: веганскія стравы, плоў, шашлык і дранікі ад Беларускай асацыяцыі палітвязняў «Да Волі!».
Уваход на імпрэзу свабодны, але вітаецца данат ад 50 злотых на дапамогу палітвязням. Усе сродкі пойдуць на праекты аб‘яднання «Да Волі!» – галоўнага арганізатара мерапрыемства.
Партнёры падзеі – Музей Вольнай Беларусі, Чэшскі філіял Офіса Святланы Ціханоўскай, Прадстаўніцтва Аб’яднанага пераходнага кабінету па нацыянальным адраджэнні, Асацыацыя «Razam.ch».
Мерапрыемства пройдзе на беразе Віслы. Пачатак – а 16:00 гадзіне.
вс